حتى أنتي يا قوقل
طبعي فضولي وأنتي العيوز
يروح لها الناس من كل صوب
يسألون ويسألون ولا يشبعون
تجيبين خرابيط وحقائق وشخابيط
توجناك المكتبة العالمية الأولى
الصفحة الأولى وقبل ما نغسل الوجوه
نصبح عليك ونمسي وقبل النوم
خلاص يا قوقل هي وحدة من الثنتين
نحن ملينا الخرابيط
أو أنتي مرضتي بالتخاريف
أتفه الأسئلة نقولها
وأصعب الأجوبة تقوليها
نريد نحل السؤال
نحتار لنحلل الإجابة
سؤال واحد صار ألف سؤال
دمعت عيوني من الحرقان
وضعيت وقتي أدور فيك
وخليت أهلي وخلاني عشانك
صرت لوحدي ومعاي ألف صديق
أطالع في ألقابهم ويكفي السكوت
سميناهم أصدقاء مثل ما أنتي
صديقة الملايين
ما شفت الوفاء فيك
عشقتك وغرمت فيك
وما يخصني ياهوا وغيرها
ما عليه مجنونة وأنا افتخر فيك
أحبك أحبك وعجبت فيك
كل مرة اشتاق لك و أهيم فيك
بس ما أموت فيك
ما أريد أموت وجهي في وجهك
ارضي ولا زعلي
أصلن أنتي ما دريتي
وش هي السالفة
ونا لأني خبلة أكتب فيك
المشاركات
ليست هناك تعليقات:
إرسال تعليق